LOU SARMOUNEY / LE JHACASSOUS

1 février 2014

Sui pas racista

Classé dans : Biologia-genetica,OPINION,Sociologia — Lo Sarmoneir @ 10 h 12 min

Sui treitat de racista e cibèr-lynchat sus Jornalet perceque disi que les raças existan dens nòsta espèça coma dens n’impòrta la quala. Jo, descendent entr’auts d’Aragonés, de Catalans, d’esclaves negres, de Vietnamians, jo qu’èi un amic deus milhors qu’es mexican, sui treitat de racista perceque disi que los individuts de l’espèça Homo sapiens subsp. sapiens son pas tots identics morfologicament, que son repartits en diferents gropes morfologics. L’existença d’aqueths gropes es diguda a l’alunhament genetic e a la preferença reproductiva ; coma en çò de cada espèça, i a des barralhas naturalas  (mar, montanha, …) qu’empachan un brassatge complet. Sòf que, dens nòsta espèça, i a pas de vrai isolament e ‘quò’s pr’aquò que pòdem pas destingar de sos-espèças mès sonque de varietats (o « raças »). Lo mestissatge es donc possible. Se lo mestissatge èra totau, i auré pas mèi de « raças », mès coma la reproduccion es preferenciala –per de simplas rasons geograficas : la probabilitat d’auger un mainatge demb quauqu’un de la mèma region es egau la mèi granda !–, les « raças » subsistan.

N’èi jamèi dit qu’i a de raças superioras, o que lo mestissatge es un mau per nòsta cultura d’Euròpa ! Au contrari ! Sui pas contra l’immigracion tanpauc ! Mès m’agrada pas tanpauc lo politicament corrècte : lo mòt « raça » es tabó per nòsta espèça. E ben non, sui desolat, som una espèça coma una auta, briga superiora deu punt de vista deu fonccionament evolutiu ; am, pus o mens, quate raças (europeana, negra africana, aborigèna, amerindiana) que se valen, demb de sos-varietats. E lur existença pòt se verifiar, cresi, per l’analisa de certèns mercaires genetics coma lo grope sanguin o auts.

4 réponses à “Sui pas racista”

  1. Daniel dit :

    Vau dens ton sens a 200 % ! Que i augi pas de raças dans l’umanitat, aquò’s una opinion ideologica briga scientifica. Aquera opinion jòga sus la polisemia e donc l’ambigüitat dau mòt « raça » dont i auré bien de causas a díser. A partir de les annadas 50 dau sègle darrèir, e pr’amòr de les atrocitats cometudas per los nazís, aqueth concèpt comencèt per èster discalifiat per los scientifics. De mèi, les descobèrtas de la genetica an pulverizat l’idèia tipologica d’essencialisme qu’èra lavetz dominanta, autant quòra parlèvann de « raça » coma d’ »espècia » au nivèu classificatòri superior. Mès s’a la lutz de la genetica la nocion d’espècia zoologica estot revesitada e validada, malerosament estot pas lo cas per la nocion de raça maugrat los trabalhs edzemplaris de geneticians coma Boyd, Garn, Dobzhansky. I a duas faiçons d’esbolhar e de negar la nocion de « raça », la prumèra es d’afirmar que lo nivèu de diversitat genetic es tròp petit dens l’umanitat per aténher lo nivèu tacsonomic de « sub-espècia », coma se « raça » e « sub-espècia » èrann sinonimas, e la segonda es l’afirmacion que les solas raças qu’edzístann son les raças d’eslevatge creadas artificialament, coma s’aqueras darrèras èran sonque d’artefacts qu’an res a véser demb lo procèssus naturau qu’es l’evolucion. Fau pas aublidar que « raça » s’aplica pas sonque a la sub-espècia mès tabé e sustot a la varietat au dedens de la sub-espècia. E se i a pas de sub-espècias umanas averadas, çò que damòra a probar, i a de varietats geograficas, continentalas, sub-continentalas, regionalas e localas que son de populacions geneticament pus o mens diferenciadas, las « raças » au sens de « varietats » e non pas de « sub-espècias ». La diversité biologica umana es pas semblabla a una bruma unifòrma coma l’ensenhèva aus mainatges lo professor Jacquard dens un liberòt, mès puslèu coma un cèu pus o mens nuatjós se devèvi emplegar una metafòra.S’aquò’ra coma au disèva lo pròf, los fenotipes africans, europeans, asiatics, amerindians, polinesians, se retroberenn pertot aus quate cunhs dau monde dens totas les familhas dens de proporcions pus o mens similàrias, çò qu’es briga lo cas. Per fenir fau puntar dau dit lo politicament corrèct que, per efèit de mòde e per coneria tabé, s’entarna dens un negacionisme agressiu qu’hèi un raciste de tota persona que parla de raças umanas. Lo racista, ‘quò’s pas lo que « crei » que les raças edzístann, ‘quò’s lo que considèra que sa raça es superiora e que les autas raças valen res e an pas lo dret de damorar a la susfàcia de la tèrra.
    Afirmi, jo tabé, que les raças umanas edzístann au mens coma varietats geograficas, mès soi briga racista dau fèit que cresi briga a la superioritat de tala o tala raça sus les autes. Soi bien content de partatjar demb tu aqueth punt de vista dont aimi pas parlar en generau pr’èster pas tacsat de racisme. Adara vau lugir l’article au « Jornalet » ont sès « lynchat ».

    • Joan Peiroton dit :

      Soi pas d’acòrd que las raças umanas existiscan uei lo dia. La diversitat genetica de l’umanitat actuau qu’ei ridiculament petita. Qu’ei estada trobada mei grana enter dus membres d’un medish grop de chimpanzés qu’enter dus individus umans de quinsevolha partida deu mon. Que i ago un eveniment de foundacion pro recent en l’istòria de l’umanitat (dilhèu 150 000 ans ). La quita nocion d’espècia hens lo genre homo qu’ei estada tanben questionada, la genetica molecular que’nse balha ua perspectiva pro diferenta au problèma.

      Aquò dit, ne soi pas a questionar lo ton absence de racisme, clar. Aquò n’ei pas lo problèma.

      Amistat e felecitacions peu blòg.

      • Lo Sarmoneir dit :

        Merci. E ben, tot depend de çò qu’apèram diversitat genetica. ‘Quò’s vrai, me diràs, que la color de pèth n’es pas sufisenta. Mès pensi tanben a la fòrma deu nas (Africa), lo grope senguin, etc. E sustot, l’important es l’estabilitat deus tipes morfologics : s’i avèva pas de « raças », aquò vodré diser qu’un Inuit se reproduiré demb un Aborigène demb la mèma probabilitat que se reproduiré demb un aut Inuit, e que lo brassatge genetic seré donc maximau. Mès achi, qu’ec vulhim o non, les gents se reproduisen majoritàriament (mès i a d’excepcions,som d’acòrd) au dedens d’un mème tipe morfologic. Podèvam destingar de Negres o de Blancs, au pòdem totjorn, vòu bien diser qu’i a de fòrmas establas actualament. Pas forçadament geneticament mès morfologicament !!
        Mès disi pas que son de sos-espèças, solide.
        E après, sui d’acòrd per pas utilisar « raças » ; d’alhurs, n’emplègui jamèi aqueth mòt. Disi puslèu « tipe ».

  2. Danièl dit :

    Som achí dens una batalha semantica. Aqueth mòt de « raça » es ni mei ni mens scientific que los d’espècia, de sub-espècia, de sècse, de color, de temperatura, d’atge, etc. Pr’hèser « plus-scientifique-que-moi-tu-meurs », n’i'n a adara que pàrlann de « gropes d’ascendéncia biò-geografica » a la plaça de les tradicionalas « raças » que séntenn meixant au jorn d’anuit. Un chic coma pàrlann de « tecnician de susfàcia » o d’ »ostessa d’aculh » per parlar d’emplecs pas tròp valorizants. Emplegar los mòts « tipe » o « etnia » o « grope etnic » o « populacion » vai pas rénder tapauc lo monde mens con, mens racista ni mei tolerant e objectiu. Díser que les diferéncias geneticas entre « populacions » son tròp petita, ‘quò’s pas un argument valable tapauc. A partir de quau degrat de divergéncia genetic duas populacions animalas aparentadas pòden èster consideradas coma duas vertadèras espècias ? Faudré m’ecsplicar perqué la nocion d’ »espècia », qu’es fondada sus lo sol critèri de l’interfeconditat, es enquèra acceptada dens los mitans scientifics e non pas la de « raça » que seré obsolèta. Pensi que n’i'n a que ne’n son damorats a la caricatura essencialista e tipologica de la raça fondada sus lo sol critèri de la color de la pèth, pensi. Vòli díser que lo concèpt tacsonomic d’espècia es ni mei ni mens valable que lo concèpt de (raça-)sub-espècia o lo de (raça-)varietat. Hèser de « raça » un còp lo sinonime de « sub-espècia », e un còp lo sinonime de linhada domestica (« breed » en anglés) es una faiçon reduccionista de díser que i a pas de raças umanas dignas d’aqueth nom, quitament a un nivèu tacsonomic inferior. E les varietats son pas de raças, o puslèu les « raças-populacions (geneticas) » coma disèva Stanley Garn i a mei de cincanta ans ?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

 

Luxeetvolupte |
Actuel |
Newyorkcity2012 |
Unblog.fr | Créer un blog | Annuaire | Signaler un abus | Insidelayers
| Lanouvelleperspective
| love star